ទស្សនាឧទ្យានជាតិភ្នំគូលែន

ភ្នំគូលែន ជារមណីយដ្ឋានទេសចរណ៍បែបវប្បធម៌ប្រវត្តិសាស្រ្ត និងធម្មជាតិ រមណីយដ្ឋាននេះមានទីតាំងស្ថិតនៅក្នុងស្រុកស្វាយលើ ចម្ងាយប្រហែល ៤៨ គីឡូម៉ែត្រ ពីទីរួមខេត្តសៀមរាប និងប្រហែល ២៥ គីឡូម៉ែត្រ ពីប្រាសាទបន្ទាយស្រីមានសក្តានុពលទេសចរណ៍សំខាន់ៗដូចជាប្រវត្តិនៃការសាងសង់ ទីតាំង និងជាតំបន់វប្បធម៌ប្រវត្តិសាស្រ្ត។ នៅទីនេះ ភ្ញៀវទេសចរអាចមកសិក្សាអំពីប្រវត្តិសាស្រ្ត លំហែកម្សាន្ត មើលព្រៃព្រឹក្សា លេងទឹកជ្រោះស្រូបខ្យល់បរិសុទ្ធ និង​ទេសភាព​ផ្សេង​ៗទៀត ដែល​ធ្វើ​ឱ្យ​ឧទ្យានជាតិ​គូលែន​ជា​កន្លែង​គួរ​ឱ្យ​ចាប់​អារម្មណ៍។